இரவு முதல் தீவிரமாக கனமழை பெய்யும் .. சென்னை உள்ளிட்ட மாவட்டங்களுக்கு அலர்ட்.. வெதர்மேன் அப்டேட்!

TN Weather Update: தமிழகத்தில் கடந்த சில தினங்களாக மழை வெளுத்து வாங்கி வருகிறது. சென்னை உட்பட பல்வேறு மாவட்டங்களில் கனமழை பெய்து வருகிறது. இந்த நிலையில், இன்று (அக்டோபர் 20) எங்கெல்லாம் மழை பெய்யும் என்பது வானிலை  மையம் வெளியிட்டு இருக்கிறது.

இன்று எங்கெல்லாம் மழை பெய்யும்?

இதுகுறித்து சென்னை வானிலை ஆய்வு மையம் வெளியிட்ட அறிவிப்பின்படி, சுமார் 5.8 கிமீ உயரம் வரை வட தமிழக கடலோர பகுதிகளுக்கு அப்பால் உள்ள தென்மேற்கு வங்கக்கடல் பகுதிகளின் மேல் ஒரு வளிமண்டல சுழற்சி நிலவுகிறது.  சுமார் 1.5 கிமீ முதல் 3.1 கிமீ உயரம் வரை வட தமிழக கடலோர பகுதிகளுக்கு அப்பால் உள்ள தென்மேற்கு வங்கக்கடல் பகுதிகளின் மேல் நிலவும் வளிமண்டல சுழற்சியிலிருந்து வடமேற்கு வங்கக்கடல் பகுதிகள் வரை ஒரு காற்றழுத்த தாழ்வு பாதை (Trough) நிலவுகிறது.

அக்டோபர் 20ஆம் தேதியான  இன்று புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கடலூர், விழுப்புரம் மாவட்டங்களில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன முதல் மிக கன மழை பெய்யக்கூடும்.

மேலும் படிக்க: 3 மாவட்டங்களுக்கு இன்று ரெட் அலர்ட்.. சென்னையில் விடாமல் கொட்டும் கனமழை.. லேட்டஸ்ட் வானிலை அப்டேட்

வானிலை மையம் முக்கிய அறிவிப்பு

சென்னை, திருவள்ளூர், காஞ்சிபுரம், செங்கல்பட்டு, திருச்சிராப்பள்ளி, அரியலூர், பெரம்பலூர், ராணிப்பேட்டை, வேலூர், திருப்பத்தூர், தேனி, திண்டுக்கல், மதுரை, விருதுநகர் மற்றும் ராமநாதபுரம் மாவட்டங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

அக்டோபர் 21ஆம் தேதியான நாளை  தேனி, தென்காசி, விருதுநகர், திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன முதல் மிக கன மழை பெய்யக்கூடும்.

புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, மதுரை, திண்டுக்கல், தூத்துக்குடி, ராமநாதபுரம் மாவட்டங்களில் ஒரிரு இடங்களிலும், காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

கன்னியாகுமரி, திருநெல்வேலி, தூத்துக்குடி, ராமநாதபுரம், தென்காசி, விருதுநகர், தேனி, திண்டுக்கல், மதுரை, சிவகங்கை, புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை மாவட்டங்களில் ஒரிரு இடங்களிலும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவையிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும்.

அக்டோபர் 23ஆம் தேதி நீலகிரி, கோயம்புத்தூர், சேலம், நாமக்கல், திருச்சிராப்பள்ளி, அரியலூர், பெரம்பலூர், புதுக்கோட்டை, திண்டுக்கல் மற்றும் மதுரை மாவட்டங்களில் ஒரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

மேலும் படிக்க: அலறிய செல்போன்.. சென்னைக்கு ரெட் அலர்ட்! இந்த 5 மாவட்டங்களுக்கும் எச்சரிக்கை

அக்டோபர் 24, 25ஆம் தேதி நீலகிரி, கோயம்புத்தூர், திருப்பூர், தேனி, மதுரை, ஈரோடு, சேலம், நாமக்கல், திருச்சிராப்பள்ளி, அரியலூர், பெரம்பலூர், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கிருஷ்ணகிரி, தர்மபுரி, திருப்பத்தூர், வேலூர், ராணிப்பேட்டை, கள்ளக்குறிச்சி மற்றும் திருவண்ணாமலை மாவட்டங்களில் ஓரிரு இடங்களிலும், காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும் என தெரிவிக்கப்பட்டுள்ளது.

டெல்டா வெதர்மேன் முக்கிய அறிவிப்பு

டெல்டா வெதர்மேன் ஹேமச்சந்தர் தனது எக்ஸ் தளத்தில் பதிவிட்டு இருப்பதாவது, "வடக்கு தமிழகக் கடற்கரைப் பகுதியில் நிலவும் வளிமண்டலச் சுழற்சி, இலங்கை மற்றும் மன்னார் வளைகுடா கடற்கரைப் பகுதிகளை நோக்கி நகரக்கூடும். இதன் தாக்கத்தால், அடுத்த 24 மணி நேரத்திற்குள் தமிழகம் முழுவதும் கிழக்கு திசைக் காற்று முழுமையாக நிலைபெற வாய்ப்புள்ளது. எனவே, வடகிழக்கு பருவமழையின் முதல் கட்டம் தீவிரமடைந்து, அடுத்த 3 நாட்களுக்கு, குறிப்பாக அக்டோபர் 21 முதல் 23 வரை, பரவலான கனமழையைத் தரக்கூடும். 

இன்று இரவு முதலே மழையின் தீவிரம் படிப்படியாக அதிகரிக்க வாய்ப்புள்ளது. ஆரம்பத்தில் வடக்கு தமிழகக் கடற்கரைப் பகுதிகள் மற்றும் டெல்டா மாவட்டங்களில் மழை தொடங்கக்கூடும்; பின்னர், அக்டோபர் 22 முதல் தெற்கு மற்றும் உள்மாவட்டங்களுக்கும் மழை பரவும். நாளை அதிகாலையிலேயே கனமழையுடன் கூடிய பருவமழைச் சூழல் தொடங்கக்கூடும். பகல் நேரத்தில் அவ்வப்போது மழையும், மாலை மற்றும் இரவு நேரங்களில் உள்மாவட்டங்களில் பரவலான மழையும் பெய்ய வாய்ப்புள்ளது” என தெரிவித்துள்ளார்.

மேலும் படிக்க: சென்னையில் மேக வெடிப்பு? மிக்ஜாம் புயலுக்கு பின் அதி கனமழை - உதவி எண் அறிவிப்பு