தீபாவளி பண்டிகையை முன்னிட்டு தமிழக மக்களுக்கு பல்வேறு நலத்திட்ட அறிவிப்புகள் வெளியாகி வருவதாக தகவல்கள் பரவி வருகின்றன. குறிப்பாக ரேஷன் அட்டைதாரர்களுக்கு இலவச மளிகை தொகுப்பு, மகளிர் உரிமைத் தொகை முன்கூட்டியே வழங்குதல் மற்றும் குறைந்த விலையில் கோதுமை மாவு வழங்குதல் போன்ற திட்டங்கள் குறித்து பொதுமக்களிடையே அதிக எதிர்பார்ப்பு உருவாகியுள்ளது. இந்த அறிவிப்புகள் தொடர்பான முழுமையான விவரங்களை பார்க்கலாம்.
தீபாவளியை முன்னிட்டு ரேஷன் அட்டைதாரர்களுக்கு பரிசு தொகுப்பு
தமிழகத்தில் அரிசி, பருப்பு, சமையல் எண்ணெய் உள்ளிட்ட அத்தியாவசிய பொருட்களின் விலை உயர்வு காரணமாக பொதுமக்கள் பொருளாதார சுமையை எதிர்கொண்டு வருகின்றனர். இதனை கருத்தில் கொண்டு தீபாவளி பண்டிகையை முன்னிட்டு குடும்ப அட்டைதாரர்களுக்கு சிறப்பு உதவித் திட்டங்களை தமிழக அரசு பரிசீலித்து வருவதாக தகவல்கள் வெளியாகியுள்ளன.
இத்திட்டத்தின் மூலம் ரேஷன் கடைகள் வழியாக அத்தியாவசிய மளிகை பொருட்கள் வழங்கப்படலாம் என கூறப்படுகிறது. இதனால் ஏழை மற்றும் நடுத்தர குடும்பங்களுக்கு தீபாவளி கால செலவினத்தை சமாளிக்க உதவியாக இருக்கும் என எதிர்பார்க்கப்படுகிறது.
21 பொருட்கள் அடங்கிய இலவச மளிகை தொகுப்பு?
தமிழகம் முழுவதும் உள்ள சுமார் 2.25 கோடி ரேஷன் குடும்ப அட்டைதாரர்களுக்கு 21 வகையான மளிகை பொருட்கள் அடங்கிய சிறப்பு தொகுப்பு வழங்குவது குறித்து ஆலோசனைகள் நடத்தப்பட்டுள்ளதாக கூறப்படுகிறது.
இந்த தீபாவளி இலவச சிறப்பு தொகுப்பில் அரிசி, துவரம் பருப்பு, உளுந்தம் பருப்பு, கடலை பருப்பு, சமையல் எண்ணெய், ரவை, மைதா, சர்க்கரை, மசாலா பொருட்கள் மற்றும் தீபாவளி பலகாரங்கள் தயாரிக்க தேவையான பொருட்கள் இடம் பெற உள்ளதாக தகவல்கள் வெளியாகி வருகிறது.
இந்த தீபாவளி இலவச பரிசு தொகுப்பு பட்டியல் தொடர்பாக இறுதி முடிவு எடுக்கப்பட்ட பிறகு முதலமைச்சரின் ஒப்புதல் பெறப்பட்டு அதிகாரப்பூர்வ அறிவிப்பு வெளியாகலாம் என எதிர்பார்க்கப்படுகிறது.
2022 பொங்கல் தொகுப்பை போல புதிய தொகுப்பு
திமுக ஆட்சியில் கடந்த 2022 ஆம் ஆண்டு பொங்கல் பண்டிகையை முன்னிட்டு 21 பொருட்கள் அடங்கிய இலவச பொங்கல் பரிசுத் தொகுப்பு வழங்கப்பட்டது. அந்த திட்டத்திற்கு மக்களிடம் நல்ல வரவேற்பு கிடைத்தது.
அதேபோன்ற முறையில் இந்த ஆண்டும் தீபாவளியை முன்னிட்டு சிறப்பு மளிகை தொகுப்பு வழங்க அரசுத் தரப்பில் பரிசீலனைகள் நடைபெற்று வருவதாக கூறப்படுகிறது. இது நடைமுறைக்கு வந்தால் பல லட்சம் குடும்பங்கள் நேரடியாக பயனடையும்.
ரூ.200-க்கு சிறப்பு தொகுப்பு
இலவசத் திட்டங்கள் மட்டுமன்றி, குறைந்த விலையில் அத்தியாவசிய பொருட்களை வழங்கும் நடவடிக்கைகளும் மேற்கொள்ளப்பட்டுள்ளன. கூட்டுறவு அங்காடிகள் மூலம் ரூ.200-க்கு 10 வகையான மளிகை பொருட்கள் அடங்கிய சிறப்பு தொகுப்பு விற்பனை செய்யப்படுகிறது.
சிறப்பு தொகுப்பில் இருக்கும் 10 பொருட்கள் என்னென்ன?
- கடலை பருப்பு - 250 கிராம்
- பாசிப்பருப்பு - 250 கிராம்
- புளி - 250 கிராம்
- கடுகு - 100 கிராம்
- மிளகாய் - 100 கிராம்
- உளுந்தம் பருப்பு - 100 கிராம்
- தனியா - 150 கிராம்
- பூண்டு - 150 கிராம்
- சீரகம் - 50 கிராம்
- சோம்பு - 50 கிராம்
என மொத்தம் 1,450 கிராம் எடை கொண்ட பொருட்கள் இடம்பெற்றுள்ளன. தீபாவளி காலத்தில் குடும்பங்களின் மளிகை செலவை குறைக்கும் வகையில் இந்த திட்டம் செயல்படுத்தப்பட்டுள்ளதாக தெரிவிக்கப்படுகிறது.
ரேஷன் அட்டைதாரர்களுக்கு இலவச தீபாவளி சிறப்பு தொகுப்பு எப்பொழுது?
தீபாவளி பண்டிகையை முன்னிட்டு ரேஷன் அட்டைதாரர்களுக்கு 21 பொருட்கள் அடங்கிய இலவச மளிகை தொகுப்பு குறித்து தகவல்கள் வெளியாகியுள்ளன. அதேநேரம் இதுத் தொடர்பான அதிகாரப்பூர்வ அறிவிப்புகள் வெளியாகும் வரை பொதுமக்கள் அரசின் உறுதிப்படுத்தப்பட்ட தகவல்களை மட்டுமே நம்புவது அவசியம். அதிகாரப்பூர்வ உத்தரவு வெளியான பின்னர் திட்டங்களின் முழு விவரங்களும் தெளிவாக அறிவிக்கப்படும்.
 "ரேஷன் கார்டுதாரர்களுக்கு தீபாவளி ஜாக்பாட்! இலவச மளிகை தொகுப்பு குறித்து லேட்டஸ்ட் அப்டேட்")
)