பயணிகளுக்கு ஹேப்பி நியூஸ்! கிளாம்பாக்கம் ரயில் நிலையம் திறப்பு எப்போது? முக்கிய தகவல்

கிளாம்பாக்கம்

சென்னையின் புறநகர் பகுதியில் கிளாம்பாக்கம் பேருந்து நிலையம் செயல்பட்டு வருகிறது. இப்பேருந்திற்கு பயணிகள் வருவதற்கம், நகரத்திற்குள் செல்வதற்கும் கடும் சிரமத்தை சந்தித்து வருகின்றனர். பயணிகள் நகரத்தில் இருந்து கிளாம்பாக்கத்தில் பேருந்து நிலையத்திற்கு வர, வண்டலூர் ரயில் நிலையத்தில் இறங்கி, அங்கிருந்து பேருந்து மூலம் கிளாம்பாக்கம் பேருந்து நிலையத்திற்கு வர வேண்டிய சூழல் உள்ளது.

கிளாம்பாக்கம்

இதனால், பயணிகள் சிரமப்படுகின்றனர். இதனால், கிளாம்பாக்கத்தில் ரயில் நிலையத்தில் அமைக்க தமிழக அரசு முடிவு எடுத்து, அதற்கான இறுதிகட்ட பணிகளும் நடந்து வருகிறது. கிளாம்பாக்கம் ரயில் நிலைய பணிகள் 2024ஆம் ஆண்டு தொடங்கி நடந்து வருகிறது. கிளாம்பாக்கம் பேருந்து நிலையத்தை இணைக்கும் வகையில், ஜிஎஸ்டி சாலையின் குறுக்கே 450 மீட்டர் நீளமுள்ள நடைபாதை மேம்பாலமும் அமைக்கப்படடு வருகிறது.

கிளாம்பாக்கம்

எனவே, பயணிகள் எப்போது கிளாம்பாக்கம் ரயில் நிலையம் பயன்பாட்டுக்கு வரும் என கேள்வி எழுப்பி வருகின்றனர். இந்த நிலையில், கிளாம்பாக்கம் ரயில் நிலையம் குறித்த முக்கிய அப்டேட் வெளியாகி உள்ளது. அதாவது, கிளாம்பாக்கம் ரயில் நிலையம் தீபாவளி முன்பு அல்லது தீபாவளிக்கு பின்ப பயன்பாட்டிற்கு வர உள்ளதாக தகவல் வெளியாகி உள்ளது.

கிளாம்பாக்கம்

இதுகுறித்து சென்னை ரயில்வே கோட்டத்தின் பொதுமேலாளர் சைலேந்திர சிங் கூறுகையில், "ரயில்வே தரப்பில் இருந்து அனைத்து கட்டுமானப் பணிகளும் நிறைவடைந்துள்ளன. தண்டவாளம் மற்றும் நடைமேடைப் பகுதிதான் முக்கியம். அந்த பணிகளும் முடிவடைந்துவிட்டது. ரயில் நிலையத்தின் முதல் நடைமேடை பணிகள் முடிந்தது. 2,3ம் நடைமேடைகள் நிறைவடையும் தருவாயில் உள்ளன. முதல் நடைமேடையில் கழிவறை, டிக்கெட் கவுண்ட்ர் கட்டி முடிக்கப்பட்டுள்ளது” என்றார்.

கிளாம்பாக்கம்

மேலும், "ஆகாய நடைமேடை மேம்பாலம் அமைக்கும் பணிகள் 30 சதவீதம் முடிவடைந்துள்ளன" என்று கூறினார். எனவே, கிளாம்பாக்கம் ரயில் நிலையம் தீபாவளி பண்டிகையையொட்டி, மக்கள் பயன்பாட்டிற்கு வரும் என அதிகாரிகள் கூறியுள்ளனர். இதனால், சென்னை வாசிகள் மகிழ்ச்சியில் உள்ளனர்.