தொடர் விடுமுறை... சென்னை டூ காரைக்குடி சிறப்பு ரயில் - மதுரை கோட்டம் அறிவிப்பு

விடுமுறை தின சிறப்பு ரயில்

இன்று முதல் செவ்வாய்க்கிழமை வரை தொடர் விடுமுறை தினமாகும். நான்கு நாட்கள் தொடர் விடுமுறை என்பதால் தெற்கு ரயில்வே பல்வேறு சிறப்பு ரயில்வே சேவை அறிவித்துள்ளது. அந்த வகையில், சென்னை எழும்பூர் - காரைக்குடி - தாம்பரம் எக்ஸ்பிரஸ் ரயில் சேவை குறித்து தெற்கு ரயில்வேயின் மதுரை கோட்டம் அதன் X தளத்தில் பதிவிட்டுள்ளது.

சென்னை எழும்பூர் - காரைக்குடி எக்ஸ்பிரஸ் ரயில்

சென்னை எழும்பூரில் இருந்து நாளை (அக். 18 - ஞாயிறு) நள்ளிரவு 12.30 மணிக்கு புறப்படும் எக்ஸ்பிரஸ் ரயில் (எண்: 06037), காலை 11.45 மணிக்கு காரைக்குடி சென்றடையும்.

காரைக்குடி - தாம்பரம் எக்ஸ்பிரஸ் ரயில்

காரைக்குடியில் இருந்து அக். 20ஆம் தேதி (செவ்வாய்) இரவு 10 மணிக்கு புறப்படும் எக்ஸ்பிரஸ் (எண்: 06038) அடுத்த நாள் (அக். 21) காலை 8 மணிக்கு தாம்பரம் சென்றடையும்.

எங்கெல்லாம் நின்று செல்லும்?

சென்னை எழும்பூர் - காரைக்குடி இடையே தாம்பரம், செங்கல்பட்டு, விழுப்புரம், பண்ருட்டி, திருப்பாதிரிபுலியூர், சிதம்பரம், சீர்காழி, வைத்தீஸ்வரன் கோவில், மயிலாடுதுறை, பேரளம், திருநள்ளாறு, காரைக்கால், நாகூர், நாகப்பட்டினம், திருவாரூர், திருத்துறைப்பூண்டி, முத்துப்பேட்டை, அதிராம்பட்டினம், பட்டுக்கோட்டை, பேராவூரணி, அறந்தாங்கி ஆகிய ரயில் நிலையங்களில் நின்று செல்லும்.

மொத்த ரயில் பெட்டிகள்

4 படுக்கை அறை பெட்டிகள், 11 இரண்டாம் வகுப்பு பொது பெட்டிகள், 2 மாற்றுத்திறனாளிகளுக்கு ஏற்ற இரண்டாம் வகுப்பு பொது பெட்டிகள் இந்த ரயில்களில் இணைக்கப்பட்டிருக்கும். இந்த ரயில்களின் முன்பதிவு இன்று (அக். 17) காலை 8 மணிக்கு தொடங்கியது.